هيك علمتيني كيف حبك تاعرف كيف حب لبنان

يا عروسة زحلة غنّي:"لبنان برحلك"
صوتك لمّا يعلا جبالو بتضحكلك
وشو بيفتخر كل ما قالو اسمك
كلّ ما زاد حكي الناس عنّك
تأكّدي يا نجوى كرم نحنا عم نكبر فيك
وهنّي عم بغاروا منّك
الدني ناس واحساس
ولبنان رفعتيلو الراس
كلّ وطن الو ناسو
ولبنان كلماتك حرّاسو
ع صوتك بيوعى الاحساس
ما تخافي من حكي الناس
ضلّك غنّي لبناني مش عيبي حبّك الو
مثل ما حبّ الشعر وما غيّر مبدأو
ابو نوّاس
احساسك بقلبو معلّق كل مين سمعك تعلّق
تزوجتي لبنان...
ولبنان كرمالك الدني طلّق
خلّي لبنان بمدى صوتك طير حرّ
سما ما الها حدود
يغرّد عالهدى ويجود
وكسّري الملل بعشقك الو
فكّي القيود
وكلّ مين حاول يغرّك ع موطنو
بكون عبالو ع كثر غيرتو
يزهّر صوتك بمدى اوطانو
شو ما قالوا عنّك
كلّن بغاروا منّك
لكن الحلو انّك
غيرتك ع لبنان
بتحلف يمين
عصوتك وفنّك
كلّ همّن يسرقوا صوتك ع لهجتن
وانت يا شمس الغنّية لبنان كلّ همّك

هيك علمتيني كيف حبك تاعرف كيف حب لبنان.. جو كرم