وينك يا راعي الدني

وينك يا راعي الدني يا مسير الانسان بحيات عدل السما ولبنان وحياتو
حلك تزيل الحقد عن موطني لبنان لو كان هو اللي صلب ابنك ع خشباتو
ثلاتين سنة الحرب ببلادنا شعلان والنار عم تندلع بغصون ارزاتو
ومن فقش موج البحر عم يطلع الدخان متفرجين الدول ودفيو ع جمراتو
ع عهد ع عهد نوح الكفر منا حدا ما كان وما في مواطن عطيو وضاف ليراتو
...ان كان الحريقة ابتدت من قصة الاديان محمد رسولك نزل مش من امر ذاتو
انت اللي اعطيتو امر ت يحطم الاوثان ويكسر بسيفو الصنم ويشوف خيراتو
ويسوع لما انصلب عالجلجلة برهان صدق المحبة وفدى العالم بدماتو
شو خص حنا وعلى ومعروف وسليمان باديان شهد السما من اجلها ماتو
يارب يارب يرجع بقى يتغير العدال ويرجع ناطور الكرم يسهر ع عنباتو