نجوى كرم | Najwa Karam
أهلأ بجميع زوار منتدى مجلة نجوى كرم الالكترونية نتمنا لكم وقت ممتع داخل المنتدى
حوار مع الملكة في العربية Ouooou10
نجوى كرم | Najwa Karam
أهلأ بجميع زوار منتدى مجلة نجوى كرم الالكترونية نتمنا لكم وقت ممتع داخل المنتدى
حوار مع الملكة في العربية Ouooou10
نجوى كرم | Najwa Karam
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

نجوى كرم | Najwa Karam

مجلة نجوى كرم Najwa Karam Magazine
 
الرئيسية*نجوى كرم*Latest imagesالتسجيلدخول

 

 حوار مع الملكة في العربية

اذهب الى الأسفل 
4 مشترك
كاتب الموضوعرسالة
فارس الاحلام
عضو متقدم
عضو متقدم
فارس الاحلام


عدد المساهمات : 123
نقاط : 4912
تاريخ التسجيل : 05/01/2010

حوار مع الملكة في العربية Empty
مُساهمةموضوع: حوار مع الملكة في العربية   حوار مع الملكة في العربية Emptyالجمعة فبراير 19, 2010 6:56 pm

لقاء مع نجوى كرم
نجوى كرم: مش حاملة السلم بالعرض عالغنية اللبنانية أبدا، والحمل مش تقيل ما في أحلى منه إذا نابع من إيمان وإذا كان هو القضية، وإذا كان هو اللي وصلني وهي شهرتي وإلا كنت مش رح كون نجوى كرم.
أنا اللي ثبته واللي رسخته أكثر هو بمناخ الإيقاع الكتكوفتي المعروف باسم الإيقاع الكتكوفتي، وكمان بالعامية يقولوا له الإيقاع النواري اللبناني اللي مثلا بعطيك مثل عنه هي أغنية أنا ما فييّ.. اللي بيكون فيها الإيقاع يعني بيكون تك دوم، تك دوم تيكي تاك.. وهيدا بالإيقاع هيدا عُرف باللبناني لأنه بالمصري هو دوم تاك تيكي تاك دوم تيكي تاك وهيدا منسميه البلدي المصري أو الصعيدي المصري، بالأغنية اللبنانية اللي معروف نحنا إيقاعنا فيه الكتكوفتي اللي ذكرته اللي هو التك قبل الدوم أنا عملت فيه موجة لمسها البعض، اليوم بكل العالم العربي صار الموزع اللي بده يستعمل نوع من لمسة ستايل بأغنية معينة بيحط هيدا الإيقاع ويا ريت تبقى تعطي دانتك عليه صار ستايل.. بحب كون دايما نجوى كرم بس إنه شمس الأغنية اللبنانية لأنه فيه كلمات لبنانية وما حدا ينزعج مني لإصراري على هذا الموضوع لأني أنا بنبسط، وكتار من الفنانين اللي هن غير لبنانيين لما هن بيتمسكوا بلهجتهم وهويتهم هيدا شيء فخر لكل إنسان. بحس حالي إنه مش لازم مثل بلدي أو بلدي مش موجود فيني أنا بعرف..

المقدم: هالقد متعصبة للبنان؟
نجوى كرم: مش متعصبة أنا بحبه.. بحبه بحبه، شو يعني بدي كون عميلة يعني لحتى ينبسطوا البعض؟ لأ أنا لبنانية، والأرزة على كتافي وعلى جبيني، نحنا الاثنين واحد. شو يعني شو تغير من حولي؟

المقدم: شو الأشياء اللي كنتِ مفكرتيها مهمة وبطلت بهالأهمية؟
نجوى كرم: كنت مفكرة إن التعاطي مع الآخرين فيه محبة أكتر، ما قلت لك منرجع لقصة المال ولقصة المصلحة، التعاطي يكون فيه محبة أفضل أنا ما تغير فيني شي، برفض إنه المال يغيرني، برفض إنه الشهرة تغيرني، برفض إنه أي شي خارجي يدخل على شي داخلي جوا ويغير فيني، بالعكس بحب شي داخلي جوا ينتفض ويغير اللي حوليّ برا. كان زمان كنا صغار كنت تقول سته لبّي، نحنا صار عنا بالعيلة شي اسمه يا ستي كلمي ستك صار عنا كتير أجيال، الحمد لله منعيش كتير، مشان هيك خاف مني هه بعدين بلاقيك..

المقدم: الله يطول عمرك..
نجوى كرم: تسلم.. تسلم، فبقول إنه ضيعتني عن السؤال.. كنا صغار وكنا كلنا حولين بعضنا، إذا بدي أكبر أنا الجيل اللي كان سابقني بده يكبر ويمكن بده يموت، بدي أتعود إنه أنا بمحبة ما جرّب إني إذا لو لا سمح الله فقدت حدا كتير عزيز على قلبي ما فوت بالحزن لآخره لأنه أنا من الأشخاص بكل الأشياء بالفرح بفوت للآخر، وبالحب بفوت للآخر، وبالسعادة بفوت للآخر، وبالفن بفوت للآخر ما عندي حل وسط بالحياة ما بوسطن الأمور أو بالمرة ما بعمل شي.. مين بيهزني؟ فيه كتير ناس بيهزوني، والله فيه مواهب أنا بختارها بالتلفزيون بيهزوني أكتر من المطربين النجوم.


من يهز مكانة نجوى؟
المقدم: مين بيهز مكانة نجوى كرم شمس الغنية اللبنانية؟
نجوى كرم: بقول لك شغلة وبتواضع؟ الكرسي اللي أنا قاعدة عليها لحد هلأ ما حدا قرب عليها.

المقدم: بحكيك حلوة ليش ما بتصوريها؟
نجوى كرم: لك شو بدك صور لصور.. الله لرح يخرب بيتنا بهالتصوير، رح موت.

المقدم: شو الثالثة؟ شو الثالثة بعد؟
نجوى كرم: كنت حابة صوّر أنا روح والله، شو بدي أعمل؟ ما في وقت هلأ رح ينزل ألبوم جديد..

المقدم: إيمتى؟
نجوى كرم: بأيار، إذا الأحوال رايقة.

المقدم: شي حلو..
نجوى كرم: إن شاء الله.

المقدم: أهم من هيدا حكي؟
نجوى كرم: ما بعرف، بطلّع.. فينا نصور؟ يالله.

المقدم: طيب أديش.. كنت عم بسألك كم مرة بتقدري تنغرمي، هلأ فيكِ تقولي لي كل حياتي رح كون مغرومة وكل حياتي حب وكل حياتي كلها هيك، بس أنتِ بجد أديش انقرصت؟ وأديش بطلتِ بدك تنغرمي أو حذرة؟
نجوى كرم: إنه ليه عم تسبقّ عليّ فيكِ تقولي لي وفيكِ تقولي لي عن الغرام؟

المقدم: لأنه يمكن هيك تقولي لي..
نجوى كرم: لأ، أولا مش حلو الإنسان يعيش بلا حب، وفي حال عشنا بلا حب نحن بدنا نجسد حالة ما فينا، ما فينا نعيش بلا غرام، ما فينا نغني، شو بدك بهالمزحة؟ ما فينا نعيش بلا حالة حب لأن الحياة وأعباءها أهون بكتير من أعباء الفن، ما حدا يفتكر إنه الفن شي شغلة بس منطلع منغني ومنصفق ومنضحك، الفن إذا كان بمسؤولية صعب لأنك عم تشتغل بنسبة ذوق ما عم تشتغل بعملية حسابية 1 و1 بيعملوا 2، عم تشتغل بعملية كلام ولحن تفوت فيهم على قلوب الناس وأديش فيك؟ أهم مصممين أزياء بالعالم فيه كتير تياب ما بيعجبونا، ليه؟ لأنه عم يشتغلوا بنسبة ذوق، أهم المطربين بالعالم فيه كتير ناس ما بيحبوهم، بكل أسف يعني بس عم تشتغل بنسبة ذوق، فشوف نحنا شو خاضعين لموضوع الستريس والضغط النفسي لحتى نقدر على قدّ ما فينا نجرب نحبب الناس فينا أو نعمل لهم شي حلو.
[فاصل إعلاني]


كرم: زواج وفن لا يتفقوا
نجوى كرم: والله شوف هلأ شغلة ما فيني حدد لك ياها مزبوط مزبوط إذا فيني حب ولا ما فيني حب ولا هلأ مغرومة ولا مش مغرومة، أنا بغني وعليك أنت تستنتج، نحنا خصوصا الفنانين وضعنا شوي صعب من شان هيك بتلاقي أغلب الفنانين هيدا الموضوع عندهم شوي حساس وعلى الزيح، ومش ناجح كتير أو إنه مزبطينها مسكجين بالحياة، لأنه زواج وفن مش كتير بيتفقوا.. مش كتير بيتفقوا، وقت اللي كان عمري 18 سنة ويقولوا لي شوي تانية لازم تتزوجي أو لازم تبني عيلة كنت قول أوه فيه وقت، وهلأ بقول وشو صاير عليّ؟ الشهرة ووهجها آخديننا الأضواء بيخطفونا بيلهونا، ويا حبذا لو كان منقدر نضمن إنه الشريك يقدر يكون فعلا شريك بهالضرة اللي هو الفن، لأنه الفن صعب حدا يعني يكون زوج أو زوجة بيقدر يتفق مع الشريك الآخر بدون ما يشعر إنه فيه عنده حدا مشاركه بهالشريك اللي هو الفن، ما منقدر نستغني عنه، أنا صراحة بحكي عن حالي فاشلة بالاستغناء عن الفن مبدئيا.

المقدم: أنت بتقولي مش قادرة تستقيلي من الفن، وبيجي وقت فيه أشياء بالحياة هي تستقيل منا مش بقرار منا نحنا هي بتجي وبدها تروح حرة قررت إنه تفل.
نجوى كرم: الله معها، ما قلت لك نحنا لازم نكون بجهوزية تامة لكل شي بده يجينا بالحياة، إنه بدي اتعمشق بالفن وأقول له دخيلك خلص خليك عندي ما بمطرح معين خلص بدي أقعد ببيتي وبدو غيري يغني وبدي اقعد اتفرج عالتلفزيون.

المقدم: بتقبليها هاي؟
نجوى كرم: يي إنه ما كون جاية من هالكوكب الآخر اللي مش قادر يقبل واقع، لأ أكيد. مش بس الفن كل شي، حتى اثنين إذا بيحبوا بعضهم إذا حد حس الثاني إنه عم يتملص من التاني ابرم ظهرك وامشي ما تسأل..

المقدم: لو موجوعة..
نجوى كرم: ما تكون بدك تلحقه آخر شي تقول له الله يخليك تعال احكي معنا.

المقدم: إي منعمل هيك أوقات.
نجوى كرم: لا والله؟

المقدم: بالحياة منعمل هيك.
نجوى كرم: لا.. لا.. وعزة نفسي! لا.. لا.. أوعا تقول لي لأنه كبرنا ولأنه نضجنا، أنا الحب بالنسبة إلي فيه مش هلأ بين الحبيب والحبيبة ما في شروط، بس لما بده يصير فيه حدا يتملص من الموضوع أو يتهرب من الموضوع صار فيه كرامات، ميرسي أورفوار باي باي..

المقدم: هيدي بترجع لجذورك اللي هالقد يعني هي بترجع إلها علاقة بزحلة؟
نجوى كرم: بترجع لمناخ الجبال اللبناني كلها عنفوان وشموخ وما بحطها على نفسي أبدا، وأعوذ بالله..

المقدم: كأنثى ولا كشمس الغنية اللبنانية كنجوى كرم؟
نجوى كرم: أولا كامرأة شرقية نحنا ما تعودنا الشرقيات نحن اللي نقول له للرجال لو بتسمح عجبتني بدي احكي معك، فيه بعض من اللي بهالجيل البعض البسيط طبعا ربيان تربية كتير كتير موديرن بيعتبر إنه شو فيها، كتير عادي قال إنه وحدة تقول لواحد بتعجبني، لأ هيدي بالبيت عيب.. يعني فيه أشياء نحنا شرقيين وإذا بيضعيوا كم كلمة وكم شي بالقيم عنا خلص خلينا آخر شي بتضيع المقاييس ومش حلو، وبالعكس أنا بحب أقول لكمّ حدا نصيحة بمحبة انتبه مش إرشادات ولا وعظ.. كلما البنت كان عندها نوع من هدا الخجل كلما بتزيد أنوثتها وقيمتها.

ما بطيق شوف حدا عنده سلطة عم يمارس ظلم، انتبه ممارسة السلطة شي وممارسة قمع شي تاني، السلطة إنك أنت تعيش تحت نظام نحنا نؤمن بالطبقية بالحياة ونؤمن بالتراتبية. مشان هيك بالعسكر وبالرهبنة وبالحياة فيه طبقات، سبحان الله هو اللي حلل هيدا الشي، ولكن أنت إذا كانت سلطة بيدك تستعملها بظلم تجاه الآخرين وتحاول تهدر له حقوقه، أنا ما فيني اسكت على هيدا الموضوع، ومش بقول لأ ما دخلني وما خصني. إذا بيطلع بإيدي شي ممكن أتدخل أكيد، أنا بقبل إنه إذا كان حدا أضعف منك عم يتصرف معك ضمن حدوده وبالنظام اللي أنت واضعه له لأنك أنت أقوى منه ضمن هالنظام كتير حلو التعامل بحقوق إنسانية بتاخد العقل، إنما إذا بده يصير فيه خلل بالنظام لأنك عم تعطي وجه للي أضعف منك لأ هون بده يصير فيه نوع من السلطة، يعني المفروض أنت تعرف تحكم أمورك لا تكون ظالم ولا إنه فيه ناس كمان بتاخد وجه، لأ بترجع بس بتعمل توازن، التوازن حلو بالحياة، التوازن أهم شي..


فن مجد شهرة ونجاح.. وبعدين؟
المقدم: فن مجد وشهرة ونجاح.. كتير وهيك وبعدين؟
نجوى كرم: ولا قبلين.

المقدم: شو ولا قبلين؟ بترجعي شو بتعملي؟ كيف بشو بتفكري؟ بتفكري بالجاية؟
نجوى كرم: ما بفكر شي، خلينا ما نكون هالقد ناس بس ما منفكر غير بالشي اللي بيخوف أو الشي..

المقدم: لأ مش هيك أنا ما بقصد هيك، يعني بعدين بالفن وبعدين شو بيصير؟ يعني بعد المجد والشهرة بعدين شو؟
نجوى كرم: بقول لك شو.. ولا يوم قمت تاني يوم من حفلتي يعني صباح اليوم التاني إلا عن جد بحكيك بحس نور بوجهي اللي هو وهج الناس اللي شفته قبل بليلة، بيصيروا كتار من أصحابي أو كتار من الأهل اللي عايشين معي بيقولوا لي شو عاملة اليوم؟ حليانة، مضوية حقيقة.

المقدم: الحب..
نجوى كرم: هل يا ترى لأنه هالقد أنا فيه بعطي.. هالقد أنا عن جد بحب أعطي؟ أو هالقد الناس عم يعطوني؟ ما بعرف من وين، بس بعرف إنه هي شغلة بتصير متل أخد وعطاء، يعني لأن المحبة لا تعطي إلا ذاتها ولا تأخذ إلا من ذاتها، لا تملك المحبة شيئا ولا تريد أن أحد يمكلها، لأن المحبة انتبه هيدي القصة كلها جبران بيقول لأن المحبة مكتفية بالمحبة.. يا نبيل تلات احتمالات ما في أحلى منهم لوين عم تروح على رابع وخلص قلت لك اللي بدي قوله.

المقدم: المحطة اللي أنتِ البصمة اللي أنتِ أو التجربة اللي أنتِ خضتيها بالأغنية اللبنانية كانت مستاهلة أنك أعطيتيها هالوقت.
نجوى كرم: ما بعرف هيدا الشي بيقيموه الناس.

المقدم: تطلعي وراكِ ما تاريخك وراكِ بتعرفيه.
نجوى كرم: ليش أنتِ نظرتك مش بتعرف تتطلع حلو ولا بدك حكيم عيون؟

المقدم: لأ بتطلع حلو.
نجوى كرم: تطلع عني أنا خليني غني وبتطلع لقدام وأنت تطلع لورا شوف إذا اللي عم بعمله وقلي كفي..

المقدم: أنا شايفه حلو بس أنتِ لأنك مؤمنة فيه طلع حلو لأنك أعطيتيه من قلبك عطيتيه أيامك.
نجوى كرم: يا رب.. يا رب أعطي من كل قلبي، ومن دون أي.. من دون ما منن أبدا لأنه التمنين هو اللي يجزئ العطاء والعطاء لازم يكون كلي.
lol!
الرجوع الى أعلى الصفحة اذهب الى الأسفل
فؤاد القلب
عضو مميز
عضو مميز
فؤاد القلب


ذكر
عدد المساهمات : 379
نقاط : 5231
تاريخ التسجيل : 06/01/2010
العمر : 31
الموقع : www.fou3ad.mousika.org

حوار مع الملكة في العربية Empty
مُساهمةموضوع: رد: حوار مع الملكة في العربية   حوار مع الملكة في العربية Emptyالسبت فبراير 20, 2010 3:42 am

شششششششششكككككككككرررررررراااااا What a Face
الرجوع الى أعلى الصفحة اذهب الى الأسفل
http://http:/‏/‏fou3ad.mousika.org
the soul
ADMIN
ADMIN
the soul


انثى
عدد المساهمات : 2914
نقاط : 8906
تاريخ التسجيل : 22/01/2010
العمر : 38
الموقع : شرق وغرب ليبيا

حوار مع الملكة في العربية Empty
مُساهمةموضوع: رد: حوار مع الملكة في العربية   حوار مع الملكة في العربية Emptyالسبت فبراير 20, 2010 7:57 am

الله يعطيك العافية سمير

وهيدا من احلى اللقاءات لنجوجتنا
الرجوع الى أعلى الصفحة اذهب الى الأسفل
https://najwa-karam.ahlamountada.com
سارا نجوانيه
مشرفة قسم هنا وهناك
مشرفة قسم هنا وهناك
سارا نجوانيه


انثى
عدد المساهمات : 434
نقاط : 5213
تاريخ التسجيل : 25/02/2010
العمر : 29
الموقع : السودان

حوار مع الملكة في العربية Empty
مُساهمةموضوع: رد: حوار مع الملكة في العربية   حوار مع الملكة في العربية Emptyالإثنين مارس 15, 2010 12:17 am

شكرا عالموضوع كتييييير مهضوم
الرجوع الى أعلى الصفحة اذهب الى الأسفل
 
حوار مع الملكة في العربية
الرجوع الى أعلى الصفحة 
صفحة 1 من اصل 1
 مواضيع مماثلة
-
» حوار بين الحب والحزن...
» منير فى حوار لبرنامج “ساعة وفا”
» مي سليم في حوار مع مجلة فرنسية : «على استعداد لارتداء الحجاب
» الملكة في تاراتاتا
» مهرجان أوربت الرابع لللاغنية العربية

صلاحيات هذا المنتدى:لاتستطيع الرد على المواضيع في هذا المنتدى
نجوى كرم | Najwa Karam :: الأقـــــــــــــــ النجوانيه ـــــــــــــــــــــــــام :: الصحــــف والمجــلات-
انتقل الى: