البوم تهموني

البوم تهموني
سنة
2002



1
براءة
من قهرن شكيوني وعالمحاكم ودوني
قال شو قلوبن دابت بالسحر اللي جوا عيوني
والقاضي اتطلع فيي وشاف الرقة اللي بعينيه
قدم لي البراءة هدية وحبس كل اللي شكيوني

********
براءة حكمني القاضي وقال لي نحن مجبورين
نحكم بين الناس نراضي بالعدل نصون اليمين
لكن ما بعرف هالمرة كيف عيونك صاروا القاضي
وأنا صرت من المحكومين
********
شو ذنبن يااللي حبوني يصيروا كلن مسجونين
حتى لو راحوا شكيوني مش شغلتهن القوانين
بدي منك تعفي عنهن بدي تسامحهن كرمالي
يا قاضي تركهن حرين.........
*******

2
أوعي تكون زعلت


اوعى تكون زعلت مني اوعى تكون زعلت
كل الكلام اللي قلته كان ولدنة
اوعى تكون زعلت مني اوعى تكون زعلت
بيطلع على بالي احكي معك ولدنة
ممكن زعّل حالي لكن إنت لأ أنا قلبي لولا حبك انت ما كان دق
مش قصدي إجرح شعورك ولا قصدي زعّل عينيك
أنا قلبي عايش بنورك وأنا عمري كله بين إيديك
معقول معقول تزعل مني معقول
********
رمشك صوّب على قلبي وصابه وجروحاتي بلمسة إيدك طابوا
قبلك ياما قلوب بحبي دابو وغيرك ما حبيت بهالدني
********
دخلك اوعى تكون عليي قاسي إنت بتعرف إنك أغلى ناسي
طعم الحب بيحلى ان كانّك ناسي مرة بجد ومرة بولدنة

3
يا مدوبني


يا مدوّبني ومهنّيني يا مفرّحني ومبكّيني
حبيتك قاسي وبحبك إنت وحنون
أنا والله بحبك يا حبيبي كيف ما بتكون
********
سمّيتك غالي وغالي علييّ هواك مش عم بتصوّر حالي مرّة بَلاك
إنت معي عايش معي لو مش معي ساكن قلبي وعقلي ساكن باللا وعي

أنا كل ما بشوفك بنسى كل الكلام مش بس بحبك دمي كلو غرام
مُرّ الهوى بيحلى سوى وقلبي دوا حتى لو بدك تجرحني جرحك دوا
********


4
تهموني


تهموني بغرامه بغرامي تهموه
تهموني وتهموه
خطبوني وخطبوه جوزوني وجوزوه
جوزوني وجوزوه
وانا عمري ما شفته ولا مرة سمعته
لكن على حبه فوقوني وفوّقوه
********
قالوا ياما قالوا اخبار قالوا شعل قلبي بنار
قالوا ياما فيه اسرار بين عيونه وعيوني
*********
قالوا وين ما يكون بكون قالوا على قلبي بيمون
قالوا عاشقني بجنون جنونه لابق لجنوني
*******

5
بنوب


بنوب بنوب بنوّب عني لا تتغرب
يا عيوني لا تنامي حبيبي الليلة مسرب
يا ريت نلاقي الدوا ونلاقي الوجع انقطع
والوقت ابتدى يمشي عالهدالو شاف الموعد قرب
********
ريح المسا غربة ناحت شمالي واني لحالي
هب الدفا هبة ضحكة حبيبي مرت ببالي
حط بقلبي وشيل رماح يا حزني الواقف ع سلاح
********
ليل البكا ولى راجع حبيبي يسكن فؤادي
غفلة العمر والله وينك حبيبي تحفظ ودادي
******


6
تمسكن


تمسكن حتى يتمكن فكره يتحكم فينا
تمسكن حتى يتمكن على أطباعه يمشينا
لك وين بعدو صاحبنا جاي بلعبة يلاعبنا
منعرف كل دواوينا
********
لابس شعار الوفا منعرف مش توبه هالتوب
متل اللي عم يطلب دفا فوق النار بعز الشوب
وبعده مكفى ألعابه ونحن بيضنا كتابه
وكل أموره فاهمينا
********
بيحكي الكلمة ع الهدا تا يقنعنا بالأفكار
ما خلى بدربه حدا رماد مخبى تحت النار
*******
ولما نكون مقابيله عم يتذاكى بتمثيله
وكل فنونه حافظينا
******


7
بغرامك مسلوبة


بغرامك مسلوبة وجسمي منهار
لاجلك يا محبوبي لامشي عالنار
نارك ما راح طفيها بدي خليها ولعانة
روحي إنت مدفيه ولولاك بتبقى بردانة
قصة وبدي كفيها وان خربت عمرت كبرت
صغرت مش سئلانة
*******
ما كنت بعمري مهزومة ولا احترت بأمري
راح أبقى بحبك مغرومة لآخر عمري
حبك غلغل جوا عروقي وبوجداني
*******
شو بتسوى كل المسكونة إنت ومش فيها
إنت محليها بعيوني وإنت مضويها
ان خسرت العالم وربحتك مش خسرانة
*******
8
العمر مشوار



وحياة صوت الهوا اللي جاي من الغَربي
لاصون عهد الهوى ولو طالت الغُربة
يا زماني لا تقسىعليي ولا تغرّ بي
لاضل عالعهد ولو كان الدهر قلاب
*******
قال لي أنه جاي نطرته وما إجى حُبي
رح يخلص الصيف وطيري ما نقب حَبي
********
قالوا حبيبك مجافي وليش بعدك عم تحبيه
يا قلبي قللن اللي بحب ما بيقسي على الأحباب
********
يا حب خدني معك قرب ييجي نوار
قالوا الدنيي عتمة خليت ليلي نهار
عم تركض الإيام شو مخبى لنا أسرار
يا قلبي قللن إذا لاموا العمر مشوار


تحياتي
مشرف قسم اغاني الملكة
أحلى StaR

شكرا الك ويعطيك العافية

شكراً عالمرور الحلو

شكرااااااااااااااااااا جزيلاا يعطيك الف عافية