نجوى كرم | Najwa Karam
أهلأ بجميع زوار منتدى مجلة نجوى كرم الالكترونية نتمنا لكم وقت ممتع داخل المنتدى
كلمات: مواويل+أووووف+ميجانا التي غنتها نجوى كرم Ouooou10
نجوى كرم | Najwa Karam
أهلأ بجميع زوار منتدى مجلة نجوى كرم الالكترونية نتمنا لكم وقت ممتع داخل المنتدى
كلمات: مواويل+أووووف+ميجانا التي غنتها نجوى كرم Ouooou10
نجوى كرم | Najwa Karam
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

نجوى كرم | Najwa Karam

مجلة نجوى كرم Najwa Karam Magazine
 
الرئيسية*نجوى كرم*أحدث الصورالتسجيلدخول

 

 كلمات: مواويل+أووووف+ميجانا التي غنتها نجوى كرم

اذهب الى الأسفل 
3 مشترك
كاتب الموضوعرسالة
George Altarsha
ADMIN
ADMIN
George Altarsha


ذكر
عدد المساهمات : 2357
نقاط : 10135
تاريخ التسجيل : 04/01/2010
العمر : 30
الموقع : حمص \ سوريا

كلمات: مواويل+أووووف+ميجانا التي غنتها نجوى كرم Empty
مُساهمةموضوع: كلمات: مواويل+أووووف+ميجانا التي غنتها نجوى كرم   كلمات: مواويل+أووووف+ميجانا التي غنتها نجوى كرم Emptyالثلاثاء يناير 18, 2011 6:28 am



&& اجمل كلمات المواويل التي تغنت بها الملكة نجوى كرم &&


موال 1

بالله إفرشولى الحرير

بالورد غطونى

مانى قتيل السمر

للبيض ودونى

ويابيض شقو الكفن

ياسمر ليفونى

ياشقر حلو الشعر

وإبكو عليا



موال 2

شوف يا حبيبي الوفا من شيمة الإنسان
ولو كان تاجــك ذهــب والعرش سلطاني
ممنوع تقطـف ولا زهـــرة من البســتان
زهـرة جــمال النفس بالنفـس منصـانى
احملنا بنا ت الأرز نعمة شرف لبنان
رحنا نطوف الدنى من بلاد للتـانى
ومهما بصبايا الدنى يتغير الإيمان
إيمان نجوى كرم بيضل لبنانى




موال 3

ماتقول عندك قلب

قلة ماهو سئلان

مابين يوم ويوم راح فيك تنسانى

ولو كان قلبك حديد والحجر صوان

خلى الحديد يلين بعيون نعسانى

قال لولا حنانى أنا بتعيش بالحرمان

وبتضل طول العمر من قهرك تعانى
أوعك تفكر معى أنك أنت ربحان

حوا ع طول العمر بالحب ربحانى

قال مهما بالهوى وبالقدر كنت عالى الشان

عندى بروحى شموخ أرزة وعز سنديانى

قال من الشرق أصلى أنا وأسم البلد لبنان

وهيك الشرق عالصدق والوفا ربانى



موال 4

قصة سليمان الحكيم يا ناس حلوه كتير
تعبوا البشر من قولها وتردادها
تخاصمو الاميين ع الطفل الزغير
وكل ام تشبــثت بعنادهــــــا
لكن سليمان الحكيم عقله قــدير
تا يكشف الجمرة التحت رمادها
قال اقسموا هالطفل بيهون العسير

ومنو بتاخد كل ام مرادها

الام العيارى المالها عطف وضمير
فرحت بهالقسمه وزال حدادهــــا
الام الحقيقيه انحنت فوق السـرير
وقالت لاتجرح ام في اكبادهـــــا
وهيك نحنا بارض لبنان الكـــبير
كل دوله راضيه بتقســــــيمنا
لاهى امنا ولانحنا ولادها






موال 5

وينك ياغايب تعا من غربة الإ همال
ولاتقول فيكى وبلاكى كتار عشاقى
مـــش هم تــجمع قمــح وتحط بالغربال
المهم تعرف من القمحـــات شـــو باقى
قال كترو بنات العشق والمخــلصين قلال

تاتشوف انى انا اوفى من رفـــــــاقى
اقعد بليل الرجا حيك وعودك شـــــال
يمنع نســيم الهـــوى يمرق على اوراقى
قال ان كان بدك وفـا يعطيك راحة بال
قدى على صـون الوفا مش ممكــــن تلاقى
وان كان بدك حبايب تنشــــرى بالمال

فتش عا غيرى أنا ماببيع أشواقى





موال 6

يا ولف شو جرى

وبيناتنا شو صار

حتى بنار النوى والهجر تكوينى

علقتنى بالهوى وولعت قلبى بنار

ولنو بكلمة حب ياولف طفينى

عيشتنى عالامل والهم والتذكار

وغير بالحكى والوعد ماكنت تلهينى

وقال وياريت اهل الهوى عندن نفوس كبار

ماكان فيه بالدنى عشاق مسكينى

ويبقى بعلمك معى مهما تكون قهار

إلا لربى أنا ما بينحنى جبينى
قال ومش راح بقلك بقى غير كلمتين زغار
بدك يا ولفى دم تبكى على سنينى
ومش رح بيفيد الندم بدو يجيك نهار
تركع عاباب البيت وتقول سامحينى






موال 7

لمن الـــهي امـر ياارض تاتعلى

وزع جمال و صور ع السهلة والتلة

وسئلت وين القمر بيدو وما وقلى

زينة ليالي السهــر سمــــره لبنانيه



موال 8

صنين مورد هلك

والناس عطشــانى
والحسن كـلو الك
والخلق رضيـــانى
وبالحب كـونى ملك
والبسي التيجانى
شوفى حبيبك هلك
حنى وتاعى ليــا



موال 9

يا بنت حاجه بكي راح تنزعي عيونك
مجنون قلبك حكي ع العمر ما يخونــك
ظلي العبي واضحكي ولا تكتري ظنونك
سمرة وسمارك زكى سكر على ميه





موال 10

عاكعب البير دلونى بالحبال
ولما كبرت طعمونى بلح بال

ولما باشرت ميمتى فيى بالحبال

كنت بجوفها غنى عتابا





موال 11

إن كنت ساحر ماتتغنى بسحرك
وما تشمخ ياحلو على بسحرك
أنا بسحرى إذا بدى بسحرك
بسهم العين وبرمش الاهداب



موال 12

جفونى عملت لعيونك محارم
ولك حللت شو ما عندى محارم
قال ولشو هالجفا الله محرم
نبعد عن بعضنا ونحنا قراب





موال 13

بحس النار بقلبي مشعله
وخبر من عند خلاني مشى عليى

حبيبي إن داس عاجفنى ومشى عليه

ما ظن العين يحكمها اذى



موال 14

يللى الهنا باحلام نومك باصره
يدك قصيرة بس عينك باصره

قال وبالحب اوعك تليعبنى باصره

اخطر من القاشوش عاوراقك انا





موال 15
سنين الحرب عشناها وعانينا
ورفضنا نركع وتبكى عينينا

قال يا جامعة الدول قومى عينينا

المعونة شيمة بلاد العرب



موال 16

الهوى يامنيتى كيف جابوه عارحالى

و بعد حبك ماشفت لحد حالى

كنت بطعن انا بالرمح حالى
بس وحدك بقلبى بتنعطب





موال 17

يا ناس التضحية لبنان عيدو
أعتمدها من قديمو ومن جديدو

بعد مالعلم بالعالم نشرناه

إكتوينا بنار عالمنا وحديدو

قال اخوة بالشرق الله خلقنا

وقال الدين عنو لا تحيدو

محمد كسر بسيفو صنمنا

وانصلب ياسوع تا يخلص عبيدو

قال كانو الناس يتغنو بجبلنا

صارو النار عانارو يزيدو

يارب الكاينه خلص وطنا

متل ما ملاكك بعتو

لحد النبى إبراهيم خلصلو وحيدو



موال 18

يا أبن أخت القمر

يعنى القمر خالك

لاضل روح واجى

واتمخطر قبالك

ندر على ندر

وان حدا وما لك

لاشك براسو رمح

وسيوف محمية



موال 19

دخيل اسمك يا الله عاطبعى

وماعودتك يا قلبى عاطبعى

ان ضربنى الدهر عاوجى وعطبعى

ما ببخل بالوحيدة عالاحباب


موال 20

وحملنى الحب عاعيونك خطى بى

وجنى قلبى عاحالى بطيبى

قال نصيبى كون للاسمر خطيبى

خطبنى ودفع قلبو عالحساب



موال 21

مشى معى يا اجمل الاحباب

مشتاق قلبى انا تايشوف احبابو

مشى معى تانعود بعد غياب

ونزور دار الوفا ونبوس أعتابو

وقال مازال رب السما واحد بكل كتاب

مشى معى نحافظ على كتابو

كل الدنى فيها وطن وتراب

لكن وطنا ارتوى بدموعنا ترابو

قال شو هم نور الشمس لو يوم عنا غاب

وجك حبيبى قمر بيطل بغيابو

عن هالدنى لو راح جسمى وداب

نادى حبيبى الضريح تفتح ابوابو



موال 22

أنت يا اكحل العينين مالك

لجوج وصبر عالاحباب مالك

سوى اهل الكرامة هين مالك

ولا بهين الكرامة بالاحباب


موال 23

لبنان منبع كرم

غنيت موالو

و الخصم لحمو انهرم

من طيبة رجالو

لبنان دولابو برم

واتغيرو حوالو

وينك يا يوسف كرم

ورجال الارزيه



موال 24

مهما الناس يا ولفى لامونى وشمتو

اسمك صلاتى وبقلبى وشمتو

تسوى الدنى ضمة حبيبى وشمتو

ويقولو غرامى جنون قبلانى أنا

موال 25

يا يما عذبونى عيون ولفى

وعابيتى حرمونى طل والفى

وصرت تايهه بين الشمس والفى

تاضيعت الشروق من الغياب

موال 26

يا ميجنا ويا ميجنا ويا ميجنا

زحله بلدنا واللطف عاداتنا

قال وزحل من جنة الفردوس زحلى

السما نزلت عاقلب الارض زحلى

اصرخى بوج الدهر يادهر زح لى

ويا قصر المجد شرعلى الابواب


موال 27

لا تحزنى عالهجر ياعينى لاتدوبى

مهما يغيب البدر ويعتمو دروبى

بيدك يا ربى الامر بيعود محبوبى

لازرع طريقو عطر ووردات جوريه




موال 28

غصونك يا أرز مايوم مالو

اتحدو الكون بكنوزو ومالو

واسم لبنان حتى يضل مالو

سوى الايمان وزنود الشباب




موال 29

سوى عينيك كاساتى ما حلو

وجريح القلب تايشفى ما حان لو

حبيبى بالقلب باقى محلو

مهما يطول علينا الغياب




موال 30

عـشـرنـا وريـت ما كنـا عـشـرنا

ودفــعـنا حــق معـشـرنا عــشـرنا

قال نوينا ع خيرهــن نويو عاشــرنا

يا ربى ليش هالزمان انقلب



موال 31

ياللي هجرتواالوطن

عودوا للوطن عودوا

جبالنا انحنت من يوم فرقكم عودوا

قال النبع جف

الارز عـــريت مـن ورقـــوا عودو

لاكان يوم رجوعكم والدار قاحــله

يا اهل الشهامه كيف ترضوا دياركم قاحله

عودوا برجوعكم يحيا الارز

ينبت ع الورق عودو



موال 32

ناطر ع شط الهوى وصالي عاقلبي شباك

قلبي الحبستو حرمتو النـوم والمونـــي

بعدك وبعدو الهـــوى سـبحان من خــلاك

تغـــفى بقلبي حــلم وتفــيق بعـيوني


موال 33

وياولفى بلادنا تسوى بلادين

بيكفى عايشه بارضا بلا دين
برضى عيش مكرسحه وعميه وبلا دين

ولا اسمع دشرو بلادى الشباب


موال 34

المسافه بينا ان كانت بعيدا

الليالى كيـــــفنا بنقدر نــعيدا
ومازال الامارة نحـــنا بعيدا

لكم منا التهانى والطــــــرب



موال 35

يابنت لاتعتلى هم بيك وعمك

مازال انتى إلي شو البعد بيهمك

روحك بروحي ابتلي وفرجيها لامك
مجد الغرام اعتيلي ولا تفزعى عليي





موال 36

حجر لا تزت بعد الشرب بالعين
ولا تمنع طالب المعروف بلا عين
قال لا تستصغر حدا من الناس بلا عين
الحرش بيولعو عود الثقاب




موال 37


عالالا ولالا ولالا يابا بس بتمشى حنجلا

تعيى ياحلوة الحلوين يمى

تاتهدا العاصفة ويروق يمى

عليها لاتزيدى اللوم يامى

ويلى خليها بدلالا

يمى شو مهرها مهرين هيى

يابى مهرها مهرين هيى

ولك لها رهجه لها عالقلب كيى

مابدو يضيع ولا تضيع هيى

بين اعماما وخوالا



موال 38

غزال منى شرد

عالميى بالوادى

بين الصخور انفرد

ما كان لو عادى

حسيت جنحى برد

وشعلت بزيادى

لمن لمحتو ورد عامورد الميه



موال 39

أنا لما الكواكب برجولي

قالولى بكل ساحة و بر جولى
بطبعي بحب الشاب بالرجولي

ولا بحب الميوعه بالشباب





موال 40

صرخت الصوت بكره الولف بيعود
ورد الصوت بكره الولف بيعود
ياريت البن ع الدلات بيعود
ويعودوا اللي مالها بيوتن ابواب





موال 41
بقالو مفارق الخلان عامين
وتركني متل كل الناس عامّين
سألت الديب عم بيلوب ع مين؟
رمقني ومارمي عليي جواب



موال 42
قلوب الناس بمحنه الكويتى
عمايم بيض ع جبين الكويتى
وبيوم النصر افرح يا كويتى
كويتك أرز على جبين العرب



موال 43
لاتدفشونى بوقع
وبطرطشكن ميه
والغيم اتقطع قطع
وانفرش بالوادى
تخنى انصاب وانهلع
حين التفت حبى
وصوت الملايكى انهلع
ويصيح ياربى
قديش عندك دلعوعون س
وعيون سحريه


موال 44
الجمو خيول الاماره اليوم وحدو
وغنو للنشامه الشعر وحدو
بمعرفة الشرف هالاسد وحدو
قديمه متل أمجاد العرب
قال ولاضل احبك طول ما عايشه أنا


موال 45

يا طبيب داوي الجرح سكنوا
حبيب الروح جوا القلب سكنوا
ضم الحاء حرف الباء سكنوا
تلاقي علتي ويش السبب




موال 46

دعوني للهوى هم من دعوني
ولما سافروا ماودعوني
دعوني ابكي فرقاهم دعوني
بعدهم عيش الهنا ماعادطاب



موال 47

هيهات يابوالزلف عيني ياموليا
ياقلب سافر معو تاترجعوا ليا
لاتحزني ع الهجر ياعيني لاتدوبي
مهما يغيب البدر ويعتموا دروبي
بايدك ياربي الامر بيعود محبوبي
لازرع طريقو عطر ووردات جوريه




موال 48

يامين يوقف ويخفف عذابي
مابين أمي الحنونه واعز أحبابي
ويلي حبيبي اللي مابقدر عيش ع غيابو
وويلي الحنونه اللي ما فيها تعيش ع غيابي





موال 49

شدولى عامهر يكون اصبح

تافتش عا عشيبى وين أصبح

عليها كل ما طل الكون أصبح

يابا وخليها بدلالا





موال 50

الوفية الدربها زرعتو دواهى
أعتبر ما عادت لجرحك دوا هى
ياما تحت السواهى فى دواهى
وياما خلف المراعى فى دياب





موال 51

كفى تبعت الى سلامات حره
انا رأيى الى وربيت حره
تعا ملكنى بعزة نفس حره
ولا تغرينى باساور من دهب





موال 52

بعمرى جربت انسان خطرا
بعدت عنى سلكت دروب خطرا
رجع حبك خطر عالبال خاطرا
نقلنى من عذاب ع العذاب





موال 53

تحمل يا قلب فراق دوبنى الهجر
ليلى انا ماداق غير مر الصبر
مهما الليالى ذودت من حرقتى
لانطر رجوعن لو مضى كل العمر





موال 54

ناطرة وصارلى عمر عم برسم صور
وأعطيها أسامى تا امحى الضجر
يا ليل يا لوحدك ناطر معى
متلك أنا لكن هجرنى القمر





موال 55

أصواتكن كانت حلم عا مسمعى
تحاكى سكوتى وتواسى مدمعى
وصلى يا رب ترجع أحبابى معى
ولا تبيعد روحى عن حـــــــــالا



موال 56

بتغيب ساعه بجن تا لاقيك
بعد الثوانى بحترق بشتاق

أنت ومعى بسمر عيونى فيك

عا قد ما بحبك بخاف من الفراق





موال 57

العدل مهما كتب و قلام برا
وحكم بالمحكمه العشاق برا

أنت جوا حبيبى و هـن برا





موال 58

يا حلم ليلة أزل

لا تفارق عيوني

خلي رجوعك أمل

تاتريح ظنوني

كل ما البدر إكتمل

وهبت رياح مجنونة

ودي مواويل الغزل للمحبوب هدية





موال 59

حرام نار الهوا

يا ناس تكويني

عطشان عطشان ومر النوا

ما عاد يرويني

مجروح قلبي

و ياويلي شو قاسي مصابو

وحدو حبيبي الدوا من الاه يشفيني





موال 60

يا طالب القرب مني ومنك بوجداني
مظلومة بحبك أنا صفيت مظلومة

بنظرة عيوني كنت غنيلك غناني

طلعت البري وأنا الي طلعت متهومة





موال 61

سألتو ليش حبك حل فينا

قلبو قال لاقى حل فينا

ما صدقتو تا قلي حلفينا

حلف من وقتها عليي انحسب





موال 62

من قبل الزمان التقينا حبيبي
حسيت الأمان ومن قلبك قريبه

هيك الندر كان واهلك عطوه

وبتضلك حبيبى حبيبى حبيبى



موال 63

ياراغب يا عريس الزين حدك

ياحد السيف ما بيجتاوز حدك

قمر انت وجيهان شمس حدك

عجب شمس وقمر صارو قراب



موال 64

هيهات يابو الزلف إنتو ياعينيا
من الأرز حامله معي للأردن هديه
تبلغت دعوه كريمه من ربى عمان
كرامة عيون النشاما جيت لبيها
وحملت غصن الأرز من موطني لبنان
ولفحيص جايي قلود المجد اهديها
يادار ضلي اشمخي واتعززي بانسان
ع العز ماشي معك والدرب ماشيها
بحسين نلتي العلا والبر والايمان
ورجال كلا همم لما تناديها



موال 65

عيون الشرق ع جبينك يدلو
إنسان ب الإحسان اكتر من يد لو
ويوم الوغى اليخاصمك يا دلو
يا أبو عبد الله يا سيف العرب



موال 66

يالله تانهرب سوا بشي ليل بترجاك
ع بلاد فيها الهوا مواويل مرهونة
ومعليش يحكوا البشر عني أنا وياك
مجنون هربت معو بهالعمر مجنونة





موال 67

يا اسمر عند ما بالقلب غليت
و ع جمر النار دم الحب غليت
إن دعست الشط سعر الرمل غليت
إن لمست الموج ملح البحر طاب





موال 68

غزلان ترعى نفل
غزلان ترعى ماش

غزلان راحو بتمن

غزلان راحو بلاش

غزلان شدو ربض

ع مورد الميه



موال 69

يا هوى مهلا على قلبى و راعى ودادى
امشى الهوينه والخطى دادى و دادى

قالو اللى بينسى فى الهوى ما لو ودادى
حكمو بالهوى قهر وعذاب





موال 70

بكفى تعذبو قلبى بكفى

بكفى الكاينه وانتو بكفى

من كتر ما ذرف دمعى بكفى

نبتلى تحت ضافيرى عشاب


موال 71

جبل عمان والاردن ملكنا

العرش و التاج ع اسمن ملكنا

و جبل لبنان ع اسمك ملكنا

ضوا ارزتو و غنى التراب



موال 72

جبلها و ديرها و حمصا و حماها

وكل ربوعها الله حماها

و مازالك يا أسد حامى حماها

شو هم الشام من غدر الدياب



موال 73

نفسى التى تملك الاشياء ذاهبة

فكيف أبكى على شىء إذا ذهب





موال 74

بستان حبك كل ما فتح قمر

بمد عينى و بقطفو ان حبك امر

ومادام عربان الشرق طالو القمر

لكل الغرب ما عاد حسبنا حساب


الرجوع الى أعلى الصفحة اذهب الى الأسفل
https://najwa-karam.ahlamountada.com
الحالمة




انثى
عدد المساهمات : 8
نقاط : 4714
تاريخ التسجيل : 13/05/2011
العمر : 35
الموقع : السعودية

كلمات: مواويل+أووووف+ميجانا التي غنتها نجوى كرم Empty
مُساهمةموضوع: رد: كلمات: مواويل+أووووف+ميجانا التي غنتها نجوى كرم   كلمات: مواويل+أووووف+ميجانا التي غنتها نجوى كرم Emptyالأحد مايو 22, 2011 12:44 pm

رجججججججججججججججججاء حار اذا عندكن اياها مقاطع اصوات ع الفور شارد نزلوها لان معظم الارتباطات مش صالحة
الرجوع الى أعلى الصفحة اذهب الى الأسفل
متيمة نجوى
نجمة المنتدى لعام 2010
نجمة المنتدى لعام 2010
متيمة نجوى


انثى
عدد المساهمات : 123
نقاط : 5572
تاريخ التسجيل : 04/01/2010
العمر : 33

كلمات: مواويل+أووووف+ميجانا التي غنتها نجوى كرم Empty
مُساهمةموضوع: رد: كلمات: مواويل+أووووف+ميجانا التي غنتها نجوى كرم   كلمات: مواويل+أووووف+ميجانا التي غنتها نجوى كرم Emptyالخميس يونيو 02, 2011 12:03 am

يعطيك العافية روووووووووووووووووووووعة
الرجوع الى أعلى الصفحة اذهب الى الأسفل
 
كلمات: مواويل+أووووف+ميجانا التي غنتها نجوى كرم
الرجوع الى أعلى الصفحة 
صفحة 1 من اصل 1
 مواضيع مماثلة
-
» دمج رائع لعدة ميدليات غنتها نجوى
» مواويل نجوى كرم-فيديو
» \كلمات أغنية نجوى كرم - وين\
» كلمات الملكة نجوى كرم في ابشر
» كلمات اغنية نجوى كرم لشحد حبك

صلاحيات هذا المنتدى:لاتستطيع الرد على المواضيع في هذا المنتدى
نجوى كرم | Najwa Karam :: الأقـــــــــــــــ النجوانيه ـــــــــــــــــــــــــام :: كلـــمـات أغــاني ♥ نجــوى كــرم ♥-
انتقل الى: