راندا حافظ: بلاش نغلط في رمز مصر

أعلنت المغنية الشابة راندا حافظ عن سعادتها بنتائج المظاهرات التي بدأت في مصر منذ الثلاثاء 25 يناير 2011، طالبة من المتظاهرين العودة لبيوتهم، وعدم الغلط في الرئيس المصري محمد حسني مبارك.

كتبت راندا على صفحتها الرسمية على الموقع الاجتماعي الشهير FaceBook: “ياشباب أنا زيكوا عندي نفس معانتكوا ويمكن أكتر، بشتغل من وأنا عندي 16 سنة، ومعتمدة على نفسي عشان مكلفش أهلي فوق طاقتهم، يعني بدرس وبشتغل، وطبعاً فرحت باللي عملناه والنتيجة إلي وصلنا لها”.

وتابعت: واحنا متعودين نعيش في بلاد عربية مفيهاش ديموقراطية يعني لو احنا طالبين 7 طلبات اتحقق منهم 5، الحمدلله احنا نجحنا وحققنا حلمنا، تعالوا نجربهم يمكن يريحونا ويعملولنا اللي احنا طلبناه واللي وعدونا بيه، وكفاية دم شباب كان لازم يتمتع بنجاح حلم بيه، وحققوا راحو شهداء وضحايا بسبب أحزاب خونة لهم مصالح تهمهم هما بس، وبلطجية في الشوارع بيقتلونا.

وأضافت راندا: هدنة ولو منفذوش طلبتنا أنا أول واحدة هانزل معاكوا، وده وعد مني، وياريت كلنا ننشر كلامي، يمكن ربنا يهدي النفوس.

وحثت المتظاهرين عدم الغلط في رموز مصر ورئيسها، وقالت: “وأخيرا،ً بلاش بلاش نغلط في رمز مصر الرئيس محمد حسني مبارك، أنا عرفة إنه إختار ناس غلط، بس هو كبر في سن وعملنا كتير (ارحموا عزيز قوم ذل)، احنا أتربينا على كدة وربنا كبير ومصر آمنه إن شاء الله نرجع أقوى”.

يذكر أن راندا حافظ طرحت ألبومها الأول “ميالة” من إنتاج شركة “توب ميوزيك” وتوزيع شركة “جود نيوز فور ميوزيك”، وصورت منه أيضاً أغاني “ساكته عليه” و”انت اتسرعت” و”يا قلبي ارتاح